ആജീവനാന്തം

നക്ഷത്രങ്ങൾ കൊണ്ട്
ഞാൻ നിനക്കൊരു മിന്നു കെട്ടിത്തരട്ടെ?

കുയിലുകളുടെ പഞ്ചമം പകർത്തിയൊരു
റിങ്ടോൺ എസ് എം എസ് അയച്ചു തരട്ടെ?

ഏതായാലും
എന്റെ ഹ്രുദയംതുറക്കാനുള്ള പാസ്സ് വേഡ്
ആകാശനീലിമ ചാലിച്ച
ചിത്രമണിത്തൂവാലയിൽ പൊതിഞ്ഞ്
കൊറിയർ അയച്ചിട്ടുണ്ട്

മറുപടി അയക്കണേ!
തിരിച്ചു വിളിക്കണേ!

അപ്പോൾ പ്രണയത്തിന്റെ
റീചാർജ്ജ് ആജീവനാന്തം
അനന്തരം എല്ലാ കോളുകളും
സൗജന്യം