Monday, October 1, 2007

ആഗ്രഹം

നമ്മളെന്താഗ്രഹിക്കുന്നുവെന്നോ സഖീ
നീലമാം വാനില്‍ കിളികള്‍ പാറുന്നപോല്‍
കോര്‍ത്തചിറകഴിയാതെ തളരാതെ
സ്വച്ഛന്ദ ഗതിയാര്‍ന്നു സ്വല്പം പറക്കാന്‍
കേവലം നീലാഭ്രജാലികക്കപ്പുറം
തൂമതൂവുന്നൊരാ ചക്രവാളത്തിലേ
ക്കൊരു ശോണരേഖയായിപ്പറന്നേറുവാന്‍
പിന്നെയീ ശ്യാമയാം ഭൂമിതന്‍ മാറിലേ-
ക്കൂളിയിട്ടെത്തുവാന്‍ ദാഹമകറ്റുവാന്‍
സ്വപ്നം കുടിക്കുവാന്‍ അല്പം ശയിക്കുവാന്‍!

No comments: