കെ.എസ്.ആർ.ടി.സിക്ക് ഹ്രുദയപൂർവ്വം

പുറകിലത്തെ വാതിലിന്നടുത്തുള്ള സീറ്റിൽ
“കണ്ടക്ടറും അന്ധനും”
കണ്ടക്ടർക്കൊപ്പം പക്ഷെ അന്ധനല്ല
ആർത്തിക്കു കണ്ണു വച്ചിരിക്കുന്നു
അതിനുതൊട്ടുമുൻപിലെ സീറ്റിൽ
“വികലാംഗനല്ല”
സർവാംഗകാമരൂപന്മാർ
സ്ത്രീകളുടെ സീറ്റിൽ പുരുഷന്മാരാണ്.
ഡ്രൈവർക്ക് ധ്രുതിയില്ല
റോഡിന്റെ പരിത:സ്ഥിതികളോട്
സന്ധി ചെയ്തതാവാം കാരണം
ടൌൺ ടു ടൌൺ പ്രയാണത്തിനിടക്കെവിടെയെങ്കിലും
വച്ച് ഒന്നു പഞ്ചറായാൽ പിന്നെ
യാത്രക്കാർക്കാർക്കും ബസ്സിനും
ഒരുപോലെ ഗതിമുട്ടിയതു തന്നെ.